Ndiboleken’ indlebe madoda
Ndiniken’ inkundla ndinyantsule,
Ndibhentsuze,
Ndiv’ incwina bantwana bomthonyama
Ziphi n’ iinkokheli?
Ziphi n’ iingqondi?
Zasweleka kusini na zinkonde zika - Phalo?

Siyaphela isizwe samadoda
Aniboni ukuba isidima siya zika - zika
Amathol’ amadun’ ezwelakuth amadol’ anzima,
Iingqondwana zinobuthovu ngo’ba kaluka icuba labaThwa
Lityhutyha-tyhutyh’ imithambo yomzimba

Amakhay’ aphelile kusel’ izindlu neentsana
Kuqhekek’ imitshato kuyi mbude-mbude!!
Yhehaa!!! Abafazi bantywizisa amehlo
Ngo’ba bayotywe lubhelu lomsele

Kude kwakho nezidlwengu
Qoshelani madoda zemk’ iinkomo zoyihlo
Kaloku ulutsha luhluth’ inkcubeko yasemzini
Yehle yakwa Rhadeb’ uMthimkhulu
Mofuz’ afulel’ uMbokazi, uNdlebentle zombini
U-Mashwabad’ owashwabadel’ inkomo neempondo zayo!!!!
IYHOOOOOO!!!!!.

© copyright protected

My House Reeks of Poverty | Vuyokazi Mtimde
Finger Gauze | Cara Furniss
Do We Call This Our Home | Previn Pillay
Helen of Troy |Carlos Roberto de Souza
I Am Not Who You Think I Am | Matthew
Life Is So Fragile | Luyolo Mkentane
My South Africa | Ezilana
Ndiboleken' Indlebe | Unathi Tshazi