Mhlabandini
by lozie mvila
Mhlabandini wen' uyasinda
Ufanel' ukusinda ngok' b' uyafihla
Mhlabandini wen' uyasika
Awubuz' awuceli suka wen' uyathatha
Obe simthanda wen' uyamxhwila
Wena kwedin' ulityutyusi legwala
Ujikelez' intombi yomnt' ixesh' elide
Kwedini liny' elakh' ical' uyaqubula
Utsho ngelo duma lingalibalekiyo
Phofu wen' ub' ubalekile
Wen' uthatha nezilubhel' ezimanzandonga
Uxhwila nezikrancukranc' iintsana
Abseze ngobus' ezweni nab' uyabathatha
Ezabaseleyo zon' iintliziy' uyazisika
Uthatha de uthathe nalo sithi sisambuka
Akunasimilo kamb' awuqeqeshekanga
Nditsho kub' uphazamis' iikumkani nezinxibamxhaka
Unzim' ubuhlung' awumiswa nayi mali
Kakad' olwakh' uthando lungakanani ?
Ngab' uthanda xa benawe okanye xa benathi ?
Hayi mfondini ndiyakubuz' andikunkqangisi
Kutheni na mhlab' ufihl' oko ?
Makhe ndive kuw' umthatheleni ke lo ?
Kuthen' ushiy' izikrelemnq' ezingenathando ?
Ud' ufihle namahlwempu ka Thixo
Kazi wen' ufa nini sikufihle
Yhoo! Hayi kum mhlabandin' uyikwedini.
© copyright protected
|
